Aatif Saeed » Mujhay Tanha Nahin Kerna

Mujhay DuaooN Main Yaad Rakhna

admin — Tue, 16 Mar 2010 11:07:00 +0000

Kuch Tu Mehsoos Ker

admin — Tue, 23 Feb 2010 04:40:44 +0000

Ji tu Lain Gay

admin — Thu, 11 Feb 2010 04:23:18 +0000

Aik Sher

admin — Sun, 07 Feb 2010 20:45:36 +0000

Aaj Phir Shaam Dhallay

admin — Sat, 21 Apr 2007 23:06:39 +0000

پھر وہی درد سا جاگا ہے رگوں میں میری
پھر وہی آہ سے نکلی ہے میرے سینے سے
پھر وہی خواب سے ٹوٹے ہیں میری آنکھوں میں
پھر وہی درد کی تلخی ہے مری باتوں میں
پھر وہی اشک سے ٹھہرے ہیں مری پلکوں پہ
پھر وہی رات سی جیون میں اتر آئی ہے
پھر وہی آخری منظر ہے مری آنکھوں میں
آج پھر شام ڈھلے تم مجھے یاد آئی ہو

Main Shaam YadooN k JungalooN main

admin — Sat, 21 Apr 2007 21:44:34 +0000

میں شام یادوں کے جنگلوں میں گذارتا ہوں‘ کہ کچھ لکھوں گا یہ شہر سارا ہی سو چکا ہے میں جاگتا ہوں کہ کچھ لکھوں گا بہار رُت کے وہ خواب سارے جو میری پلکوں پہ آ سجے تھے! وہ خواب آنکھوں میں جل چکے ہیں میں جل رہا ہوں کہ کچھ لکھوں گا میں پچھلے موسم کی بارشوں کو پھر اپنی آنکھوں میں لا رہا ہوں! کہ اب کے ساون کی رُت میں‘ میں بھی یہ سوچتا ہوں کہ کچھ لکھوں گا عجیب رُت ہے جدائیوں کی‘ عذاب دن ہیں عذاب راتیں میں چند مہمل سے لفظ لکھ کر یہ سوچتا ہوں کہ کچھ لکھوں گا میں لفظ پلکوں سے چن رہا ہوں‘ میں خواب کاغذ پہ بُن رہا ہوں میں تیری آہٹ بھی سن رہا ہوں میں جانتا ہوں کہ کچھ لکھوں گا وہ سارے رستے کہ جن پہ ہم تم چلے تھے چاہت کے سنگ عاطفؔ میں اب جو اُن پر کبھی گیا تو یہ جانتا ہوں کہ کچھ لکھوں گا

عجب پاگل سی لڑکی ہے

admin — Sat, 21 Apr 2007 16:07:02 +0000

عجب پاگل سی لڑکی ہے
مجھے ہر روز کہتی ہے
بتاؤ کچھ نیا لکھا؟
میں جب بھی اس سے کہتا ہوں،
کہ ہاں اک نظم لکھی ہے
مگر عنوان دینا ہے
بہت بے چین ہوتی ہے
وہ کہتی ہے،
سناؤ، میں اسے اچھا سا اک عنوان دیتی ہوں
وہ میری نظم سنتی ہے،
اور اس کی بولتی آنکھیں کسی مصرعہ، کسی تشبیہ پر یوں مسکراتی ہیں
مجھے لفظوں سے کرنیں پھوٹتی محسوس ہوتی ہیں
وہ میری نظم کو اچھا سا اک عنوان دیتی ہے
اور اس کے آخری مصرعہ کے نیچے
اک ادائے بے نیازی سے
وہ اپنا نام لکھتی ہے
میں کہتا ہوں!
سنو! یہ نظم میری ہے،
تو پھر تم نے کیوں اپنے نام سے منسوب کر لی ہے
مری یہ بات سن کر اس کی آنکھیں مسکراتی ہیں
وہ کہتی ہے،
بڑا سادہ سا رشتہ ہے،
کہ جیسے تم مرے ہو، اس طرح یہ نظم میری ہے
عجب پاگل سی لڑکی ہے

غزل (نیرے آنسو میرے اندر گرتے ہیں)

admin — Sat, 21 Apr 2007 15:49:00 +0000

میرے آنسو میرے اندر گرتے ہیں
جیسے دریا بیچ سمندر گرتے ہیں

تیری یادیں وہ طوفان اٹھاتی ہیں
اک اک کر کے سارے منظر گرتے ہیں

کتنی لہریں شعروں میں ڈھل جاتی ہیں
سوچ کے پانی میںجب پتھر گرتے ہیں

ہم نے ٹھوکر کھا کر چلنا سیکھا ہے
اور ہیں وہ جو ٹھوکر کھا کر گرتے ہیں

رونے والے ! یہ تجھ کو معلوم نہیں
تیرے آنسو میرے دل پر گرتے ہیں

تم بس اس کا روگ لگا کر بیٹھے ہو
سپنوں کے یہ گھر تو اکثر گرتے ہیں

کات رہا ہے عاطف۔ کوئی آنکھوں میں
تکیے پر یہ خواب جو اکثر گرتے ہیں

کومل جذبوں کا شاعر

admin — Sat, 30 Dec 2006 22:46:00 +0000

کومل جذبوں کا شاعر
محبت وہ لازوال جذبہ ہے کہ یہ جب کسی کو اپنے حصار میں لے لیتا ہے تو اس شخص کے نزدیک کائنات کے معنی ہی بدل جاتے ہیں۔ بصارت بصیرت میں کا ملبوس اوڑھ لیتی ہے اور قدم قدم پر ایک نیا جہان معنی آباد نظر آتا ہے۔ عاطف سعید کی شاعری بھی محبت کے اسی بنیادی انسانی جذبے کی سرزمین سے پھوٹی ہے۔ اس کا ایک ایک لفظ بے پناہ محبت میں سرشار نظر آتا ہے۔ یہی سرشاری اس کے جذبوں کو شدت عطا کرتی ہے اور وہ جذبے کی اس شدت کو کسی کی محبت ہی کا مرہون منت خیال کرتا ہے۔ عاطف سعیدکی شاعری الفاظ کا گورکھ دھندہ نہیں۔ اس کے ہاں دورازکار تشبیہات و استعارات کی بھر مار بھی نظر نہیں آتی۔ اس کی شاعری سادہ اور نرم الفاظ میں دھیمے سروں اور کومل جذبوں کی شا عری ہے۔ شاعر کے جذبے کی سیال سطح پر جب سوچ کا پتھر آگرتا ہے تو پہلے دائرے میں اس کی اپنی ذات ابھرتی ہے۔ ادراک ذات سے اگلا دائرہ محبوب کی ذات کا دائرہ ہوتا ہے اور جب تیسرا دائرہ ابھرتا ہے تو فرد کی محبت اجتماعی محبت کا روپ دھار کر پورے معاشرے، پوری انسانیت بلکہ پوری کائنات کو اپنی باہوں میں بھر لیتی ہے۔ یہی دائرہ بالآخر وسعت پذیر ہو کر خداکی محبت سے ہمکنار کرا دیتا ہے۔ عاطف سعید کی شاعری میں پہلے دو دائروں کے نقوش واضح نظر آتے ہیںتاہم خوش آئند بات یہ ہے ان کے یہاں تیسرے دائرے کی مدہم لکیریں بھی ابھرتی نظر آتی ہیں۔ اگر اس کے اندر تخلیقی فعالیت موجود رہی توآگے چل کر یہی مدہم لکیریں مزید واضح ہوتی چلی جائیں گی۔ اس نوجوان شاعر کی یہ چند نمائندہ تخلیقات اس کے فن کے راستے میں جابجا رکھے چراغوں کی صورت جگمگا رہے ہیں۔ امید کی جاسکتی ہے کہ یہی تخلیقی لو اس کے لئے فنی سفر میں مختلف سطحوں پر معاون ثابت ہو گی۔‌

(پروفیسر اطہر علی زیدی)