جب وہ اِک شخص دسترس میں تھا
اس سے ملنا تمہارے بس میں تھا
اس کی آنکھیں تمہاری آنکھیں تھیں
اس کی باتیں تمہاری باتیں تھیں
اس کا چہرہ تمہارا چہرہ تھا
اس کے دل پر تمہارا پہرہ تھا
اس کی ہر سانس میں بسی تھیں تم
اس کے ہر لفظ میں کھلی تھیں تم
اس کے سپنوں میں بھی رچی تھیں تم
اس کی نیندوں میں جاگتی تھیں تم
وہ جو کہتا تھا بے قراری ہے
میری ساری وفا تمہاری ہے
صرف تم سے مجھے محبت ہے
صرف تم سے میری حقیقت ہے
کتنی باتیں میں کہہ نہیں سکتا
دور تم سے میں رہ نہیں سکتا
تب تم اس کے ہر ایک جملے کو
تب تم اس کے ہر ایک جذبے کو
اِک ہنسی میں اڑایا کرتی تھیں
سن کے تم بھول جایا کرتیں تھیں
اس کی آنکھوں کو دیکھتیں جب وہ
بے نیازی کے درد سہتا تھا
بھول جانا تمہاری عادت تھی
پھر بھی کتنا ملول رہتا تھا
اپنی تنہائی کے گلے لگ کر
سارے آنسو وہ رو گیا اک دن
ایک پتھر سے دل لگی کر کے
خود بھی پتھر کا ہو گیا اک دن
اب وہ تم سے تو کچھ نہیں کہتا
بے نیازی کے دکھ نہیں سہتا
اس کی آنکھیں اب اس کی آنکھیں ہیں
اس کی باتیں اب اس کی باتیں ہیں
بھول جانا تمہاری عادت ہے
اس کی باتوں کو بھول جاؤ نا !!
اب وہ اِک شخص دسترس میں نہیں
اس سے ملنا تمہارے بس میں نہیں
کس لیے اب اداس بیٹھی ہو؟؟
اب وہ اِک شخص دسترس میں نہیں
اس سے ملنا تمہارے بس میں نہیں
Kitna Dard sehna parta hay na is Muqaam tak aane per ke aap apni hi mohabbat ko keh sako woh ek shakhs Dastaras mein nahi,,
Simply ….beautiful
Thats gr8 – really TOP CLASS!! کس لیے اب اداس بیٹھی ہو؟؟
OUTSTANDING
کس لیے اب اداس بیٹھی ہو؟؟
what a line…. simply great and perfect superb atif bhai
3:49 am
Assalam-o-Alaikum
Waqt guzer jaye to har cheez be maani ho jati he, mohabbat bhi shayad thak har kar so jati he,
ya shayad kisi or jazbe ki nazar ho jati he
shayad inhi jazbat ka parto he ye nazm
کس لیے اب اداس بیٹھی ہو؟؟
Bohooooooot khub, bohoooot hi umda
keep writting & keep sharing,
take care
Sada khush rahein………Ameen
Allah Hafiz
Umeed